UN jor de Pasque, au tans novel,

A caradigan, son chastel,

Ot li rois Artus cort tenue.

Ains si riche ne fu veüe ;

Car mout i ot buens chevaliers,

Hardiz et corageus et fiers,

Et riches dames et puceles,

Filles a rois, jantes et beles.

Mes einçois que la corz faussist,

Li rois a ses chevaliers dist

Qu’il voloit le blanc cerf chacier

Por la costume ressaucier.

Mon seignor Gauvain ne plot mie,

Quant il ot la parole oïe.

Erec et Enide